Posts

Showing posts from 2018

හැඟිම්

Image
ප්‍රේමය ආදරය එක ලඟ එකට කියවෙන වචන.
ඉතින් ඔය පද වැලේ තැනක මිමිනෙන වචනයක් තමයි රාගය.
සමහර වෙලාවලට සම්බන්ධයක පැවැත්ම රඳා පවතින්නත් මේ රාගික හැඟිම් එක්කමයි.

ඉතින් නුඹ මගේ සිතැඟි තේරුම් ගන්නේ මං ඒ සිතුවිලි සිතන්නට පෙර සිටමයි.
අපි ආදරය කරා ,
ප්‍රේම කරා.
ඔව් ඒ දෙයාකාර වචනයන්.

ඒ වගේම රාගික හැඟිම් වලට වහල් වුණා.
නුඹ ලඟදි මම වගේම මම ලඟදි නුඹත් අවනත නැති සිත් අවනත කරගන්නට වෙර දරන අන්දම ,
හිතන්න පුලුවන් ද ඒ හැඟිම..

ඉතින් නුඹේ ඔය නා දලු වන් දෙතොල මගේ රළු දෙතොලට මැදි වෙද්දි
පුංචි මුවැත්තියක් කොටි හපුවෙක්ගේ ලඟ ඉන්නව වගේ බයක් නුඹට දැනෙන්න ඇති.

මට සමාවෙයන් මගේ මැණික රිද්දන්න හිතුවෙ නැ මම.
මගේ රං කැටේ මගේම වෙන නිමේෂය ඉක්මන් කර ගන්න හදිස්සිය නිසායි ඒ දේ වුනේ.
ඉතින් නුඹ හා මම අපේ ලොවකට පියමැන්න ඒ සොඳුරු මොහොත නුඹේ ⁣සොඳුරු සුකුමාල ගත මගේ ගොරෝසු හැඩිදැඩි ගත සමඟ මුහුවෙද්දි වේදනාව දුක සතුට පිරැන මහා අමුතු හැඟුම්න් පොකුරක නුඹ අතරමං වෙන්න ඇති.
නැ නෙවෙයි මැණික .

මං ඒ හැඟිම වින්දා නුඹ නිසා.
මං ආදරෙයි ඒ මොහොතට.
ඇත්තෙන්ම මං ආදරෙයි මහ හුඟක් නුඹ හට.
කොහොම කියන්නද කියලා නොතේරෙන මේ විසේකාර හැඟුම්
මං වෙන කවුරුන් ලඟ කි…

42. මගේ පණ

Image
මෙලෙස නුඹ දකින්නට හිනයක් හිතේ විය සොඳුරු නුඹ සුර ලියක් ලෙසින් හැඩ වීලා අද පෙරදාක ලඟ රැදුන පෙම් ලොවේ රැජින අද මනාලිය ලෙසින් මා දැස් අභියස සිටින ආදරෙයි හැමදාම සිතැත්තියෙ මං නුඹට රකිමි මම ආදරෙන් නුඹව මගේ පණ ලෙසින්




41. මැවු හින

Image
මහ හුඟක් මං හින  දැක්කලු සොදුරු  දවසක්  ලඟ එතැයි දෛවයේ මගෙ  ලියා තිබුනලු  අහිමි වග මට  ඒ හැඟුම්
දුක හිතුන මුත්  කදුලු පිරි නෙත් මගේ තනියට  ලඟම සිටිමුත්
නුඹට මං හැර  අන් සියලු දේ මහමෙරක් බව දත් දිනේ
කොහේ යන්න ද සැඟවිලා මං  නුඹට ආදරේ  නැති ලෙසේ

සමුගනිමි මම ඉතින් නුඹ ගෙන් නුඹට කිසි දොස නොවේවා මං  හින්ද නම්


(2018.07)

40. නංගිගෙන් අයියාට

Image
හිටියේ නැ අයියෙක්  හැම විටම  හිත හදන හමු වුනා ආදරේ හින්ද පන වගේ අයියෙක්  මෙමට
විස්වාසෙ කඩ කලා  මල්ලි හා එක් වෙලා ඇත්ත තිත්තයි කියා  නොසඟවා පවසලා හිටිය හිත දත් සොයුරු  අද මාවෙතින් දුර ගියා.
කනට ගැසුවා නම් දිවි මගේ තොරනම් නොදැනේවි නැගනි හට  මේ තරම් වේදනා
දෙන්න හැකිනම් සමා නුඹේ මල්ලි මා දිවි සමයි අයියේ මං හැමදාම  නුඹේ චුටි නංගිමයි..
(එක නංගියෙක්ගෙ ඉල්ලිමක් )

39. කල්පනා

Image
හිතට හිත ගැලපෙනා මොහොතක ලොවේ  නෙත් විරසක වෙලා අපි⁣ට අපි හිමි වෙනා  දවසක දෙනෙත අපගේ පියවෙනා
හිරුත් හිනැහෙන  සඳුත් හිනැහෙන  ලොවේ දිනයක  හිනැහි සිටින්නට කරපු පින් අපි  සස⁣ර ගමනේ දි තවත් දුරදැයි  කල්පනා
 10.08.2018

38.දිනුම හිමි වෙවා

Image
කියවයි කරන බව හැමවිට ලොවට පෙනි ලොව හොඳ නමත් ඒ අය හරි යසට ගනි
නිහඬයි විටක මහමෙර මෙන් ලඟම රැදි ලැබුනත් නරක නම නිතරම බැනුම් පිරි
තනි නොකෙරුවා කිසි විටකදි කදුලු දිදි ලොව කි කතා පසෙකට දා සිනාසිසි
කිවත් කතා ඒ අය හරි ලොකු ඒවා නුඹ හැකි ලෙසට කල දිරියට තුති වේවා
තුලාවකට දාලා මැන්නොත් ඒ අය මේවා පතනවා දිනුම නුඹ හට හිමි වේවා
2018.07.19..

මගේම විය ඔබ

Image
මේ අවුරුදු එකහමාරටම මේ ඇමතුම මට ආවේ තෙවරකි.
එක පාරක් අක්කා පරිස්සමින් ගියාද අහන්නත් දෙවන වර මගේ ජිවිතේ ආයෙමත් ඉරිතැලිලා ගියබව කියා මගේ ආදරය යලි මගෙ නොවනා වග සනාථ කරන්නත්ය.

මෙවර කතා කරන්නේ ඇයි දැයි සිතා ගත නොහැක .
ඒකත් මේ මහ රාත්‍රියේදිය.
සැලෙන හදින් ඇමතුමට සම්බන්ධ වු මට ඇහුනේ කිරි දරුවෙකු නැලවිමට වෙහෙසෙනා අම්මාගේ හඩය.වෙව්ලන දෑතින් හා සැලෙන සිතින් සිටි මා හට අවසන ඔහුගේ කටහඬ ඇසුණි.
"රේශි ගිහින් අක්කේ.අයියත් කොහේ අතුරුදහන් වෙලාද මන්ද..මේ කිරි සප්පයා අම්මාගෙ උණුහුම හොයද්දි මේ ගැනිට මගුල් විසේ ගැහුවනේ".
නමුත් ඔහුගේ හඬ බිදුණි.
අවසන "ගෙදර එන්න අක්කේ" කියමින් ඇමතුම විසන්ධි විය.

සිත සැලුනි.
නෙතින් ගලායන කදුලැලි නොසලකා දමමින් මා මේ රැයේම මගේ මෝටර් රථය නුවර කොළඹ මාවතේ නිහඩ බව නැතිකරන සුළු වාහන කිහිපය හා මුසු කරේ සිතුවිලි අතිතය හා පැටලෙද්දිය..

අනාථ නිවාසයේ දානමය පිංකමකට ආ අවිනාශ් මා ඔහුත් සමඟ ගෙදර ගෙන යැමට අැවැසි බව කියා පෙරලි කරද්දී ලොකු පුතුගේ ආසාවටත් නිවසට දියණියක් ද ලැබිමේ කාරණාවත් මුල් විමෙන් සති කිහිපයක ලිපි ලේඛන කටයුතු වලින් පසුව මටද ආදරණිය මව්පිය දෙපලක් හා දෙසොහොයුරන්…

යලි එකට

Image

අද තවත් දවසකි.
නුඹගේ ජිවිතය ගැන අපමණ වු බියකින් පසුවන නිමේෂයක මෙලෙස පැරදි සිටිමට අකමැති වු නුඹ උත්සාහ කරන ලද දිනකි..
ලියා තබන්නට වැදගත් දිනයකි..
ඉතින් මම ලියමි.😊

නුඹට මතකදැයි නොදනිමි.💭
නමුදු මගේ මතකය නිවරදි නම් එදා නුඹ යමු දැයි අැසුවිට හිතේ බියකින් වුවද නැගුනෙමි.
නුඹේ පාපැදිය මත.
ඉතින් ඒ මීට වසර මහ හුඟකට පෙරය.
දොලොස් වසරකට පෙර දිනකය..
අපේ ආදරය ඇරඹුමට පෙරය.
මිතුදම කෙමෙන් ආදර මාවතේ යද්දි මේ මඟ දිගම තාත්තාගේ ත්‍රීවිල් එකේ,වැන් එකේ,මෝටෝ බයිසි⁣කලේ ද නුඹ හා පැමින ඇත.අපේ කාරයේද පැමින ඇත.
මෙකි නොකි හැම වාහනයකම මේ මඟ ගෙවා පැමිනි මට මහ හුඟාරියක් මතකයන් ද එ් පිලිබඳව ඇත.💕
විටින් විට ඒ මතක සිතුවිලි පෙලගසන්නට සිතා ඉන්නෙමි..

අවසන් වරට මේ මාවතේ පැද යන්නට සැරසුනේ නුඹේම දහඩිය මුසුවු මෝටෝ බයිසි⁣කලේ වුවද එක් අදුරු මොහොතක අපේ සොඳුරු සිහින ඈත ඉසව්වකදි ඉරිතැලුනි.
දුකක් ඇත.😔
ඒ නතර වු අහිමි වු කාලය පිලිබඳවය.
නමුත් ඒ කාලය තුල නුඹත් මා මෙන්ම නොයෙක් දේ උගත් බව දනිමි පමණටත් වඩා.
එදා ඒ අනතුර නොවුනි නම් ජිවිතය මේ තරම් වෙනස් නොවන්නට ඉඩ තිබුනි.
මේ කාලය පුරාවටම වෙනස් නොවු එනම් ඍණ නොවි ධනම පමනක් වු එකම දෙය නම් …

37. සේලයින්

Image
කිසිම ලොකු ලයින් නැතිය නුඹ ගාව දයාබර සේලයින් රකියි ජිවිතය නුඹ
කැ නොකැ හැම දේම පිටවෙලා නෙක ලෙසින ශරිරය අඩපණය කිසිදු සවියක් නැති ලෙසින
විසල් කටු බට ගොඩක් මැද්දෙන් හෙමි හෙමිහිට ගලා ඇවිදින් සහනයක් විය හිනැහි පන නගන්නට
රිදුම් දෙන මුලු ගතම ඉකිගසන බොලඳ සිත කදුලු පිරි මගෙ දැස නෙගටිව්  රිපෝට් ගොඩ
ජිවිතය එපා කරනා විටදි නුඹ කියන්නේ හිනැහෙන්න ගලා විත් මහ දුර ගෙවා රුහිරැ හා මුහුවෙලා
දයාබර සේලයින් බෙහෙත් හා මුසුව විත් නුඹ කරන මේ උදව්වට ණය ගැතිය පන ගැහෙන හැමදාම


(2018.07.03 රෝහලේ දි)

මල් කුමරුන්...

Image
මල් කියන්නේ කාට කාට
ලමයින්ටයි පාට පාට

පුංචි කාලේ ඔය සින්දුව කිය කියා නැටුම් නටපු මං මලක් වගේ කියලා තමයි හැමෝම කියුවේ ..😍
අනේ ඒත් මං මලක් වගේ නෙමෙයි මෙයා..
මල් ඉතින් ගොඩක් වෙලාවට උදේට පිපිලා හවසට පර වෙනවානේ..ඉද හිටලා හවස පිපිලා උදේට පරවෙන මල් වර්ගත් තිබුනා..
මං ඉතින් ඕල් වේස් සුපිපුනුනේ...ඉතින් මං මල් යායක්..
කොහෙම වුනත් දිල් එක්ක මල් කඩන්න නම් හරිම දක්ශ මල් නෙලන්නියක්..😉

මං ඉතින් ස්මාට් විදියට මල් නෙලන්න දැන ගත්තට මගේ දිල් නම් මල් වැවිමේ කලාවෙ පිකාසෝ කෙනෙක් .
අම්මෝ එයා හිතන් ඉන්නේ එහෙම තමයි..😏
නැහැ කියන්නත් බෑ ඉතින් කොල්ලගේ හිත කැඩුනොත් සුපර්ග්ලු ගැවත් අලවගන්න බැරි වෙනවා. 💔
හැබැයි ඉතින් මෙයාගෙ අහිංසක අම්මියයි මල්ලි බබායි ඉන්නකම් මෙයා පිකාසෝ තමයි..

රටේම ඇවිදලා මල් පැල අරන් එන මෙයාට මල් පැල නඩත්තු කටයුතු මඟ ඇරෙන වෙලාවට එයාලා තමයි මල් පැල බලාකියා ගන්නේ..
ඇත්තටම නම් ඉතින් මෙයා බලන මල් පැල කියලා තමයි කියන්න වෙන්නේ..😋
කොහොමින් කොහොම හරි පහුගිය කාලේ මං මෙයා එක්ක ගමනක් ගිහින් ගෙදර එනවා නම් එන්නේ අතින් කටින් මල් පැල උස්සන් තමයි..
වැඩේ කියන්නේ අර හොම්බෙන් ගියපු දවසෙත් මං බයිසි⁣කලේට නැගින …

36.ඉකිබිදුම්

Image
ජිවිතේ තනි මංසලක පෙර මුන ගැසි අප එක් වෙලා එකම මග ගෙන දුරක යන්නට අත් බැදන් හිත් පැටලුනා
කොහේ කොතැනක මග වැරදි ගිය බව මුමුනා කියනා හිත නිසා ⁣කොපුල් තෙමනා කදුලු වැල් මං හුඟක් අසරණ කල නිසා
නුඹට මා ගැන හිතන්නට ඉඩක් වත් අද නැති නිසා නොහිතා ඉන්නේ මං කොහොම අද ඔයා පෙර වගෙ නැ කියා
මං කියන දේ අසා ඉන්නටවත් ඉඩක් නුඹ නැ කියා රිදුවු හද මගෙ මහ හුඟක් පෑරුනි නුඹට මං හරි දුර නිසා....
හිටියෙ මට නුඹ පමනමයි මතකේ තියෙනා දා ඉදන් නුඹෙන් ඉල්ලුවෙ නුඹව පමනයි බලා ගන්නට ආදරෙන්
වරම් නැති වග හිතෙන විටකදි ⁣මොර දිදි මගේ හිත දුකින් මං පතන්නම් පෙර වගේ නුඹ මගේ වේවායි ආදරෙන්   ❤




කුෂි

Image
"කුෂිනි ඇයි ඔයා මං කියන දේ තේරුම් නොගන්නේ.."

"අනේ දේව් මට ඔයා කියන දේ තේරෙනවා.ඒත් අපි කොහොමද එහෙම කරන්නේ..ඒ ඔයාගේ අම්මායි තාත්තයි..මට බැහැ මේ වෙලාවෙ නම් ඔයාට හා කියන්න.."

"ඒත් කුෂි ..."

"අපිට අපි අයිති නම් කවදහරි අපේ වේවි ඉවසන් ඉදිමු."

ඒ දේව්ගෙයි මගෙයි කතාවේ නැවතිමේ තිතයි.කවම කවරදාකවත් මේ විදියට සමුගන්න වේවි කියලා නොහිතපු අපි ⁣අද වෙන්වෙනවා..

ඒත් මගේ දේව් මේ අපේ අන්තිම හමුවිම කියලා නොදැන අම්මලාගෙ කැමැත්ත ගන්න විදිය කල්පනා කරකර ගෙදරට යද්දි මං මගේ හැමදේම අත හැරලා දුරකට යන්න බස් එකට නැග්ගා.

මහනුවර ,දලදා තේවාව ඇහෙන මානයේ මගේ අලුත් නවාතැන .⁣යෙහෙලියෙකගෙ මාර්ගයෙන් මේ ගෙදර මිලට ගත්ත මම ජිවිතේ අලුතින් පටන් ගන්න හිතුවත් දේව්ගෙ මතකයන් මාව හිරි වට්ටලා තිබුනේ.
මාව හොයන්න එපා කියලා ලියපු ලියුම් කොලඹින් තැපැල් කරපු නිසා පොලිසි ගානේ නොයා එයාලාහිත් හදාගන්න ඇති.

හැම දවසකම දලදා හිමි ලග මගේ දේව්ගෙ සතුට ප්‍රර්ථනා කරපු මට ඒ ආද⁣රයෙන් දුරස් විම දරා ගන්න බැරිව ඉකිගසමින් ගෙවපු නිදි නැති රාත්‍රින් අපමණයි.

හදහන් ගලපන මගේ දෙමාපියන් වගේම දේව්ගෙ දෙමාපියනුත් මට තිබුන මාරක අපලය…

සුමුදු සුසිනිදු

Image
අද මං කියන්නට යන්නේ මුන ගැසිමට පෙර නම් සෙට් නොවේ යැයි මනසින් හංවඩු ගසා සිටි පට්ටම පිස්සියෙක් ගැනය.. දැන් නම් සුපිරියටම සෙට්ය. නමින් සුමුදු වුන ඇය සත්තකින්ම ගතිගුන නම් සුමුදුය..මතකයත් නම වගේම සුමුදු ය.😉
මතක ඇති විදියට නම් මගේ නමේ කැල්ලක් තිබුනා වගේය.ඇන්ටිටත් අන්කල්ටත් වැරදිලා සුමුදුටත් ප්‍රභා කැල්ලක් දාපු එකට දුකය.සමහර විට මගේ නම ඒක විම ගැන ඇයත් දුක් වෙනවා ඇත.😋😋
පට්ට මිටරයක් වෙන ඇය ගානක් සුළු කරන්නට අපි ගනක යන්ත්‍ර සොයද්දි ගාන සුළු කර හිතින්ම යටින් ඉරි දෙකද ගසා අවසානය. එහෙව් මිටරයකි.👍
හැබැයි ඉතින් මු කොහොමද ෆේල් නොවි බේරුනේ කියා සිතුනු අවස්ථාවන් ද තියෙන බව ද මං කියමි.
ඉංජි නොව අයිටි විමට හිනයක් හිතේ තියෙන ඇයගෙන් අපේ ඔෆිසියේ කොම්පියුටර බේරෙන්නේ අනුනවයයි දශම නවයයි තව චුට්ටකිනි. දෙයියනේ කියා ඒවා අපි හදන්න ට්‍රයි කරොත් බඩුම තමයි කියා අසා තියෙන නිසා අදාල අංශ වලින් ඇවිත් හදනකම් එහෙන් මෙහෙන් අතපත ගෑම පමනක් ඇය අතින් සිදුවේ. දන්න තරමින් ඇගේ නිවසේ ඇති කොම්පියුටර රාජයා නම් භාවිතා කල හැකි නමුත් නව පරික්ෂණ මට්ටමේ පවතින අත්හදා බැලිම් නියැදියකි.😐
ආපු මුල් දවසේ මං හෙන නපුරෙක් යැයි සිතා සිටි බව ඇ…

හිමි අහිමි - 02 කොටස

Image
සාමාන්‍ය පෙල විභාගය අත ලඟ..
ඉස්කෝලේදි බාහිර වැඩ කලත් කියන දේ නාහා මොන දඟ වැ⁣ඩේ කරත් අපි දෙන්නගේම ආසාව තිබුනා හොදට ඉගෙන ගන්න .කාට හරි හිතුනොත් අපි අවාසනාවන්ත ලමයි කියලා අපි අපේ ඉස්කෝලෙට,කොන්වන්ට් එකට නම් වාසනාවන්ත ලමයි. මොකද අපි දෙන්නා අම්මා තාත්තා ඉන්න ලමයින්ට වඩා අදුනන්නෙවත් නැති අම්මා තාත්තට ආඩම්බරයක් හිතෙන විදියට වැඩ කරා..
කොන්වන්ට් එකෙන් පාසල් තරඟ වලට යවන්නේ මොකටද ඒකේ මොකක් හරි අංශයක ඉදිරිපත් විම අපි දෙන්නා වෙන් කරන් තිබුනා. ඉතින් ඉදිරිපත් විමෙන් සැහෙන්න බැ කියලා කප් එකක් උස්සන්න හරි ගෝල්ඩ් පාට පදක්කමක් බෙල්ලේ එල්ල ගන්න හරි තිබුනෙ මාරම ආසාවක්.
හැම තරගයකටම ඉදිරිපත් වෙච්චි අපි දෙන්නා ක්‍රිඩා තරඟත් අත ඇරියේ නැ.හැබැයි මෙතෙනදි නම් අපි දෙන්නා මොන ක්‍රිඩාවට ඉදිරිපත් වුනත් හරියටම කරේ චෙස් ඇදිල්ලයි බැඩ්මින්ටන් ගැහිල්ලයි තමයි..
ශ්‍රේණිගත කිරිම් වලත් මුල් දහ දෙනා අතර හිටිය අපි දෙන්නා අන්තිමට තරඟ කරේ අපේ පලාතේ හොඳම පාසල් චෙස් ක්‍රිඩකයා තෝරන්න තිබුන තරගෙකටයි. ⁣ඒ තරඟය ටිකක් ප්‍රසිද්ධ වුනා යාලු තරඟයක් කියලා. අන්තිමට මං දිනලා හොඳ ක්‍රිඩකයා වෙද්දි දෙවෙනියා වු⁣නේ මගෙම යාලුවා. ඒත් කවදාවත් අපි දෙ…

ඇය හා සරසවි පෙම

Image
හදවතට සමිප ගීතයක්...
මතකයේ මං මාවත් දිගේ පාර හොයාගෙන පියමනින්න නොහිතුවට මං ඉබේම වසර කිහිපයක් ආපස්සට පියමැනලා තිබුනෙ ඒ ගිතය මගේ අතිතය මතක් කරලා දිපු නිසයි..
ඔව් අපි මුනගැසුනා ඒ බව නම් සත්තතයි. ඒත් ඒ අපි වෙන් වුන නගරයේදි නම් නෙවෙයි.ඊට ගොඩක් දුර ලස්සන නගරයක සරසවි පිවිසුම් සමුළුවකදි.. සාමාන්‍ය මිතුරුකමක් විතරක් අපි අතර තිබුනත් දෛවය සරදමක් කරන්නට සැරසෙන්න අර අදින බව මං හිතුවෙම නෑ. අන්තිමේ අපි එකම සරසවියේ එකම කණ්ඩායමේ..එකම අංශයේ.
හැමවිටම එකට මුනගැහිමත් හිත තනියට කාව හෝ සෙවිමත් නිසා ඔබට මා ගැන සිතෙන්නට ඇති.ඇගෙන් දුරක විමත් අපි ලං කරන්නට ඇත.මටත් නොතේරෙන මට දැනුන සිතුවිල්ල ගැන අදටත් මම සිතන්නේ දරැණු පසුතැවිල්ලකින්.
ඔබෙත් මගෙත් මිතුරෙක් ඇය ගැන පැවසුවේ අපි මුන ගැසුන මුල් කාලයේ වුවද මට ඇය අමතක වි ගියේ ඔබ හැකි හැමවිටම සවියක්ව සිටි නිසා.
ඔබ අනුබල දුන්නාද නොදුන්නාදැයි නොදනිමි.
නමුත් මා ඔබ ගැනම සිතුවෙමි.
අසන්නන්ට දකින්නන්ට මිතුරු දමක් බව කිවද මා ඉන් එහා දෙයක් පතා ඇතිබව සිත ගතු කියන්නේ දැන් මේ වර්තමානයේය. මිතුරු ඇසුරක් ද ⁣ඊට එහා යන දෙයක් දැයි කියන්නට නොදත් මේ සබැඳියාව සරසවියේදිත් සරසවි නිවාඩු නිමේෂය…

හිමි අහිමි - 01කොටස

Image
මම කසිනි වික්‍රමසූරිය.

 මතක ඇති කාලේ ඉදලාම මං හිටියෙ කොන්වන්ට් එකක.සිතල නුවර එලියේ ලස්සන පරිසරයක තියෙන කොන්වන්ට් එක මගේ මුලු ජිවිතේම වෙලා තිබුනේ.
හැම දේටම මට හිටියෙ කන්‍යා සොයුරියෝ.මං හැදුනෙ වැඩුනේ කන්‍යා සොයුරියන්ගෙ ඒ කියන්නේ සිස්ටර්ලාගේ ආදරේ මැද්දේ.
පිලිවෙල තමයි අංක එක.
කෙනෙක්ට හිතෙයි එහෙම ඉන්න එක හරි බෝරිං නේද කියලා.අනේ නැ.මං ඒකට හරි කැමති..
අනිත් අයට වඩා අපේ ජිවිත වෙනස් .ඒක නම් ඇත්ත.

මට අම්මා තාත්තා ගැන පුංචියටවත් මතකයක් නැහැ.එහෙම මතකයන් තියෙන්නේ ඒ සෙනෙහස වින්ද නම්නේ.
ගෙදර කියන පරිසරය මං අත්දැකලම නැහැ.එයාලගෙ ආදරය විදලාම නැහැ.
ඒත් මගේ ලඟ එයාලගෙ පින්තුරයක් තියෙනවා..මාව මෙහෙට බාර දෙද්දි ඒ පින්තුරයත් මගේ වෛද්‍ය වාර්තා එක්ක දෙන්න තරම් කාරුණික වෙන්න මගේම අයට පුලුවන් වුන එක ගැන මගේ හිතේ තියෙන්නේ ස්තුතිවන්ත හැගිමක්.
සමහර විට මාව වගේම ඒ පින්තුරයත් ඒ අයට ප්‍රශ්නයක් වෙන්න ඇති.
මුකුත් නැතිවට වඩා ඒ දිහා බලලා හරි සැනසෙන්න මට පුලුවන් වුනා.කොහොම වුනත් මං ඒක බලා සැනසෙන්න විතරයි තියා ගන්නේ.
ඒක පස්සේ හොයාගෙන යන්න හිතුනත් මං නිසා එයාලට ප්‍රශ්න අැති වේවි කියලා මට බයයි.ජිවත් වෙලා ඉන්නවද කියලවත් දැන්න…

35.සංසාරේ හැමදාමත්

Image
සංසාරේ හැමදාමත් මගේම වෙනවා   නම්  මුළු දිවියෙම මා අසලින් රුදී ඉන්නවානම් සතුට කදුල එක ලෙස මා විඳ       ගන්නම් නුඹ වෙනුවෙන් හැමදාමත් ජිවත්   වෙන්නම්
ලොවම එරෙහිවී අප වෙත බාධා ගෙන ආවත් සමනල ගිර සේ නොසැලී නුඹ ඉන්නවා නම් ගිරි මුදුනින් උපත ලැබු නිල් දිය දහරක් සේ ගලා යන්නෙමී මෙමා ලොවම එරෙහි වුවත්

(2006-2010)

34.මිතුර

Image
සසර සරන එක් භවයක මිතුරෙකු ලෙස මා වෙත ආ නුඹව තමයි සසර පතා මා ආවේ දිගු ගමනක් අමාවකට එලිය වෙලා මරු කතරට දියක් වෙල හැම මොහොතෙම ලඟම ඉන්න නුඹම තමයි මා පැතුවේ
නුඹට ලංව ඉන්න ආස  මගේ පැතුම් බොඳ වන්නට කවදාවත් එපා මිතුර  මගේ ලඟින් දුරක යන්න නුඹ නොමැතිව තත්පරයක්  මට කල්පය තරම් දිගුයි නෙතු කඳුලැලි මට නපුරුයි සත්තකින්ම අපි දුරකයි ලංව ඉන්න මට ආසයි


(2006-2010)

33.කුමරියේ

Image
සිහිනයේ දුටුව නුඹව නෙතු මානයේ දුටුව දින දැණුනි මුළු ලෝකයම හිමි වුණා සේ මෙමට සොඳුරු නුඹේ තෙපුල් බස් සිනා සෙන නුඹේ දෑස් මතකයේ රැදෙයි හැමවටම කුමරියේ නුඹෙ නමින් මසිත පිරි සෙනේහය කියා නිම කරන්නට කෙදිනක හැකිවේද මට
සසර සරනා හැම භවේකම අපේ සිත් එක් සිත් වෙලා කුමරියේ නුඹ රැදෙන් මා ලඟ ආදරේ මා හට කියා (2008)

32. බුදු පියතුමා

Image
නිමල බුදු දහම් ගඟුලෙ ගිලෙන්නට පියාණෙනි මට දෙනු මැන අවසර
ඉපදුණු දිනයේ මෙමා රජ මැදුරෙ තනිකර තපසට ඇයි ද ගියේ
සක්විති රජ සැප එපා ය මා හට බුදු පියතුම ඔබෙ තුරුලෙ ඇතී
ආවත් ඔබ හා පොඩි හිමියන් වී මවගෙ කදුළු දුක සිතෙහි ඇතී
මව්තුමියට පින් පිරෙන්න ආදර සසරෙන් එතෙරට යන්න හැකී
ඒ ඇති පියතුම ලැබදුන් දායද ගෙනවිත් සුළැගිල්ලේ පටලා
පිය සෙනෙහස මට ලැබ දීලා




(2005)

31. සැඩ මුහුද නුඹ

Image
සොඳුරු ඔබෙ රළ පෙළින් දෙපා දොවු අපිට වියරු වුණු රළ පෙළින්  නෑසියන් හිතමිතුරු අහිමි කරවුයෙ අැයි ද ? සිතිජයේ බසින හිරු  වෙනදාට දකින්නට  පොරකෑව ළපටියන් කුරිරු ඔබෙ සිත් පතුලේ අමා නිදි සුව විදින්නේ කිනම් වරදක් නිසාවෙ ද ? වැට කඩුළු මායිම් වලින් වෙන් වෙලා සිටි දනන් එකට සිතනා එකට පතනා මිනිස් සිත් ඇති කර ද ?
නුඹ 
බිලිගත් ඒ ජිවිත වල අගය කෙසේ මිල කරන්න ද ? සනසාලු අපේ සිත අඬවාලු අපේ සිත ඔබට තාමත් ආදරේ ඇයි ?
ඔබේ සොදුරු බව හේතුවෙයි එ් ලෙසට....

(2006)

30. පියතුම මගෙ

Image
මව් සෙනෙහස අහිමි මවෙත ඔබයි මවක් වුයේ  මහ මෙරකට වැඩි⁣යෙන් ඔබ  ජිවන බර දැරුවේ දියණිය හට මව නැති බව නොදැනෙන්නට මෙන්නේ දුක් වින්දා හැම දිනකම නෙත් තෙත් කරමින්නේ ඔබේ සතුට කැප කෙරුවා මා ගැන සිතමින්නේ සුළු මව් සෙනෙහසක් මවෙත නැත ගෙනවිත් දුන්නේ ඔබෙ සෙනෙහස සිහිවන විට මා හද කකියන්නේ හොර රහසෙම මා හැරදා  මරු හා ඇයි බැදුණේ
මතු භවයෙත් පියතුම මගෙ ඔබ වේවයි පතමි සෙනෙහෙ සිතින් ඔබෙ නාමය  මම නිති සිහි කරමි

(2007)

අතිතයෙන් අනාගතයට යමින්

Image
ආයෙමත් මීට අවුරුදු බර ගානකට කලින් වගේම දවසක් ඇවිත්..
වැඩියෙ නැහැ අවුරුදු පහකට චුට්ටක් වැඩි ...

ඒ කාර් එකේම නැගලා තාත්තත් එක්න අායෙමත් ඔෆිස් එකට..එදාට වඩා අද වෙනස් ..අම්මත් මේ දෝණි එක්ක යන්න ඇවිත්..

එයාලා මං ගැන ගොඩක් හිතනවා ඒකයි.අනිත් අතට මටත් හිතේ හයිය විතරයි තියෙන්නේ කියලා එයාලා දන්නවා..(මට හිතෙන විදියට මං ලඟ දැන් ඒකත් නැ)😓

ඒත් හුරුපුරුදු ඔ⁣ෆිස් එකට නෙවෙයි යන්නෙ කියලා හිතන කොට හිතට නිකන් හරි මොකක් ද වගේ දැනෙනවා.

හුරුපුරුදු යාලුවෝ ටික මගේ වටේ නැ කියලා මතක් වෙද්දි මල කරදරයක් කියකියා ගියත්  අනේ ආයෙත් එහෙ යන්න තියෙනවා නම් කියලා හිතුනවා.😐

දුර වැඩි නිසා ඔයාලා ගාවට මේ තත්ත්වයෙන් එන්න හොඳ නැති නිසා පෙරලුන පිට හොඳයි කියලා මාත් මේ තිරණය ගත්තා ..

හිත නිදහස් .මොකද ඊයේ දිගම දිග මල් පාත්තියක්ම ඒ ඔෆිස් එකේ යාලුවො එක්ක කැඩුවානෙ...💓
එකම ආයතනයක් ඔෆිස් දෙකක්..
හරියටම අදට අවුරුදු හයකට සති ගානකට කලින් මං මේ අද යන ඔෆිස් එකට මං ගියා.
පුංචි දඟකාර කෙල්ලෙක් විදියට කැම්පස් යන්න කලින් දෙන පුහුණුවකට ..

අන්තිමේ මට ඒ ආයතනයේම රැකියාව කරනවා..
අද යද්දි එදා හිටපු අය කවුරුවත් නැ.

තාත්තෙක් වගේ හිටිය සර් විශ්‍රාම…

රස්සාවට යන අම්මා

Image
දැන් ජිවිතය ඉස්සරට වඩා වෙනස්ය. 😒
පවුලක පිරිමියා පමනක් නොව කාන්තාවද හරි හරියට ජිවිත අරගලයේ යෙදෙනු වස් රැකියාවක නිරත වෙයි..කාන්තාවක් රැකියාවක නිරත විම සමාජය දකින්නේ විවිධාකාරයෙනි..
අපි හරි මග යයි නම් එක එකාලාගේ කතාවන්ට හිත යොමු නොකර සිටිය යුතුමය..
නැත්නම් බෙර පදේට නැටවෙනා නැට්ටුවා මම වෙනා කියා ඉන්න තමයි වෙන්නේ.
මම ද රස්සාවට යන්නෙමි..තවමත් විවාහ ජිවිතයේ බරක් පතලක් හිසේ නැතත්  පෙම් ලෝකය තුල රස්සාව නිසා සමහර විට ගැටලු ඇති වුවද ඕන දෙයක් සුභවාදිව දකින ප්‍රභාගේ සිතුවිලි හොදින් වටහා ගත් දිල් නිසා මගේ ගැටලුවලට විසදුම් හැම විටම  ඇතිය.. ඉතින් අනාගතය ගැන බියක් හිතේ නැතිය... කොහොම වුවත් රස්සාවට වඩා පරස්තාවට කැමති මං ගෘහණියක් ලෙස සමාජ ගත විමට අනාගතයේ ඇති ඉඩකඩ වැඩිය.( අනාගත කාල වාක්‍යයකි )😁😁
සිතුවිල්ල ඇය ගැනය..මගේ මුර දේවතාවිය ගැනය..සිතුවිලි දහසක් ලියුවද මදිය අම්මෙ නුඹ නමට....💖
මගේ අම්මා ද රැකියාවක් කල අතර තවමත් රැකියාවෙහි නිරත වෙයි.

ඇය ගුරුවරියෙකි.

මෙලොව තිබෙන උතුම්ම වෘත්තියේ ඇය නිරත වෙන බව අතර එය උපරිම අන්දමින් ඉටු කිරිමටද ඇය කිසිදා පසු බසින්නේ නැත.. දැනුම සොයා පිපාසිත ඇය තමන් ලබා ගන්නා දැනු…

29. නිසැකවම

Image
ගැඹුරු පඩි වදන් "නිව්ටන්" ද "ෆැරඩේ" ද "එල්මෝ" ද "මාකෝනි" ද සොයා බලන්නට විමර්ශනය කරන්නට තීක්ෂණ දෑසක් ඔබ සතුව ඇත
කළ යුත්ත නිබඳවම මතකයට නැගීමයි ඔබද එවිට සක්වලම ජය ගනු ඇත නිසැකවම
(2006-2010)

28.අසිමිත ආදරය

Image
දිවා රැය දෙක පුරා නුඹ ගැනම මා සිතයි අසිමිත ආදරය මේ තරම් තතු සොයයි.... මං දුරක බව දැනුනි විටක හද පාරවා.. අතිතය හිමි අතිතයටම බවත් අමතකව සිටි නිසා නුඹ එක්ක අනාගතේ තැනු සිහින මාලිගා බිඳි යනු නොපෙනුනා වත්මනේ අපි දුරස් බැව් අද මෙමට තේරැණා... මට තනිව යන්න යැයි නොකියාම කියවුණා... 💔💔 😢😭😭😭😭😭😭😭😭😭😪

(2018.05.22)

මගේ ලිවීම.

Image
ඉස්කොලෙ යන කාලෙ ඉදහිටලා කවියක් ගෙතුවට ආදරේ අරන් මගේ හදවත(මං එයාට දිල් කියලා කියන්නම්කෝ..හදවත=දිල් 💓මේ හින්දියෙන් හරිද ? 👍) මං ගාවට ආවට පස්සේ ආදරේ ගැන කවි ලියුවට මං ලියන ඒවා එයා බලලා හොඳයි කියුවට මං දැනන් හිටියා මට ලියන්න බැ කියලා.
එයා මං දුක් වෙනවට කැමති නැති නිසා එහෙම කියලා මාව සනසවනවා ඇති කියලයි මං හිතුවේ(ඇත්තත් ඉතින් ඒකමනේ) .😀

ඉස්කොලේ හතේ අටේ පන්ති වලදි බිත්ති පුවත් පත කරන්න වගේම ඒකට ලිපි ලියන්නත් අවස්ථාවක් දිපු පන්ති බාර සිංහල සර් තමයි චුට්ටක් හරි හිත ෆිට් කරේ "ලියන්න පුතා හරි හැඩයි ඔයාගේ රචනා" කියලා.ඒත් ඉතින් මං ලියුවද රචනාවකට එහා දෙයක්..අනේ නැ..😊



කාලයක් මං දෙයකට කියලා කරේ ෆිල්ම් බැලිල්ලයි කතාපොත් කියවිල්ලයි තමයි.එක අතකට ඒවා නිසා ලියන්න තිබුන ආසාවත් තව වැඩි වුනාට අබරංට වෙච්චි දේ වෙයි කියලා මං බැරි වැඩ නොකර හිටියා.

උසස් පෙලට ගණිත අංශයෙන් කරලා ශ්‍රම බලකායට සප් එක දෙන්න වෙනස්ම පාරක් තෝරගෙනත් දැන් අවුරැදු 05කට කිට්ටුයි ..ඔය කාලේ කවියක් කුරැටු ගැවේ  උපන් දිනේකට සුභ පතන්න විතරයි..

කොහොම හරි පහුගිය කාලේ ජිවිතේ වෙන්න ඕන චාටර්ම දේවල් වුනා..😖

එච්චර දෙයක් නෙවෙයි මායි දිලුයි…

27. කෙසේ දෝ පා නගන්නේ

Image
කුමරියක පතනියක වී අද පිරිවරා ගත් අසිරි ගී මැද දෙනෙත් යොමු කොට කළඹ දෙසටා එයත් ගෙන ඔබ දුරස් වුවා මල් වැටී විසිරුණු මාවතේ පියවරින් පියවර දෑලි බැඳගෙන ඇවිද ගිය අපි, මඟුල් පෝරුව මතට නැඟ ඔබ මා තවම ඔබ දෙපා පාමුල මැවුණු ලොව අද සුන්⁣වෙලා ගොස් මිතුරු මගෙ අතිනත ගෙනේ ඔබ සිනාසෙනු මට පෙනෙයි ඔබ නම් හිමි නොවු ඔබ දකින මා හට නිරුදක වූ සිනහව කෙසේ දෝ පා නගන්නේ..

(2006-2010)